“Vajza me ballon” e Banskyt – £ 1 milion për pikturën e vetë shkatërruar

Blerësja e pikturës “Vajza me ballon”, e cila ka paguar 1.04 milion funte për veprën, tha se ajo tashmë ka ‘copën e vet të historisë së artit’ dhe se pavarësisht se piktura u copëtua pjesërisht, ajo përsëri do ta blejë veprën në shumën e £ 1 milion duke thënë se vlera e saj do të  rritet ndjeshëm pas vetë-shkatërrimit.

Bota e artit mbeti e habitur kur rreth gjysma e veprës, e cila konsiderohet si një nga pikturat më të famshme, u copëtua në shirita kur ishte brenda kornizës në ankand në një mënyrë mjaft të habitshme. Veprës së transformuar i është dhënë një emër i ri, “Dashuria në Bin”, dhe i është dhënë një certifikatë nga Pest Control, organi i legalizimit të Banksy. Sipas The Guardian, blerësja, një koleksioniste europiane dhe një kliente e vjetër e Sotheby’s, konfirmoi se ajo do të vazhdojë me marrëveshjen prej 1.04 milion funtesh. “Kur vepra u copëtua, në fillim isha e tronditur, por gradualisht fillova të kuptoj se do të mbaja një pjesë të historisë time të artit” – tha ajo.

Alex Branczik, kreu i artit bashkëkohor Sotheby në Europë, tha:”Banksy nuk shkatërroi një vepër arti në ankand, ai krijoi një. Pas ndërhyrjes së tij të papritur, ne jemi të kënaqur të konfirmojmë shitjen e veprës së re të titulluar ‘Dashuria në Bin’, vepra e parë e artit në histori që është krijuar gjatë një ankandi “. Piktura me kornizë tregon një vajzë që zgjatet drejt një tullumbaceje në formë zemre, ndërsa versioni i galerisë përmbante bojë me llak dhe akrilik mbi kanavacë, të montuar në një tabelë.

Veprat e tjera të Bansky do të dalin në shitje në ankand dhe është premtuar se këtë herë nuk do të copëtohet apo shkatërrohet asgjë.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.