Vakanca e Komisionerit të Shërbimit Civil, Kuvendi hap aplikimet! Afati për kandidaturat, 21 tetori 2019

Kuvendi ka shpallur thirrjen publike pwr vendin vakant për Komisioner për Mbikwqyrjen e Shërbimit Civil. Referuar njoftimit zyrtar, ftohen për paraqitjen e kandidaturave të gjithë të interesuarit që plotësojnë kërkësat e nenit 21,  të ligjit nr. 152/2013 “Për nëpunësin civil”, i ndryshuar:

-të jetë shtetas shqiptar;

– të ketë zotësi të plotë për të vepruar;

– të zotërojë gjuhën shqipe, të shkruar dhe të folur;

– të jetë në kushte shëndetësore që e lejojnë të kryejë detyrën përkatëse;

– të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;

– ndaj tij të mos jetë marrë masa disiplinore e largimit nga shërbimi civil, që nuk është shuar sipas këtij ligji;

– të plotësojë kërkesat e posaçme për nivelin e arsimit, përvojës dhe kërkesat e tjera të posaçme për kategorinë, klasën, grupin dhe pozicionin përkatës.

Subjektet e mësipërme duhet t’i propozojnë kandidaturat pranë sekretarisë së Kuvendit brenda 20 ditëve nga publikimi i këtij njoftimi. Afati i fundit për paraqitjen e kandidaturave është data 21 tetor 2019.

1. Propozimi i çdo kandidature duhet të përmbajë:
2. Letër ku kandidati shpreh pëlqimin;
3. CV-në e nënshkruar në çdo faqe nga kandidati;
4. Librezë pune ose vërtetime të tjera që provojnë përmbushjen e kriterit ligjor të përvojës në punë prej jo më pak se 10 vitesh në profesion apo në administratën publike sipas përcaktimeve të nenit 12, pika 2 të ligjit nr. 152/2013 “Për nëpunësin civil”, i ndryshuar;
5. Raport i aftësisë në punë;
6. Vërtetim që ndaj kandidatit të mos jetë marrë masë disiplinore për largimin nga shërbimi civil;
7. Vërtetim i gjendjes gjyqësore;
8. Formularin e vetëdeklarimit në zbatim të ligjit 138/2015 “Për garantimin e integritetit të personave që zgjidhen, emërohen ose ushtrojnë funksione publike”, i cili gjendet i publikuar në faqen zyrtare të Kuvendit të Shqipërisë si dhe bashkëlidhur këtij njoftimi.
9. Formularin e plotësuar në zbatim të ligjit nr.45/2015, “Për të Drejtën e Informimit për Dokumentet e ish – Sigurimit të Shtetit të Republikës Popullore Socialiste të Shqipërisë”, i cili gjëndet bashkëlidhur këtij njoftimi.
10. Formular deklarimi papajtueshmërie dhe konflikit interesi, në përputhje me përcaktimet e nenit 12, pika 3, të ligjit nr. 152/2013 “Për nëpunësin civil”, i ndryshuar.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.