Vaksina anti-grip falas ! – Ministria e Shëndetësisë: Në të gjithë qendrat shëndetësore të vendit, për grupet e rrezikuara

Ministria e Shëndetësisë dhe Mbrojtjes Sociale këtë vit ka siguruar 138 mijë vaksina kundër gripit, të cilat kryhen pranë çdo qendre shëndetësore në të gjithë vendin.

Vaksina do të ofrohet falas për kategoritë e rrezikuara si; fëmijët 2-5 vjeç që vaksinohen për herë të parë, personeli shëndetësor, gratë shtatzëna, personat mbi 65 vjeç.

Gjithashtu edhe personat me sëmundje kronike si diabet, sëmundje kronike obstruktive, pulmonare, sëmundje kronike të zemrës, veshkave, mëlçisë, obezë, me imunodefiçiencë.

Vaksinimi ndaj gripit kryhet çdo vit dhe në çdo kohë, gjatë periudhës që viruset e gripit qarkullojnë .

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.