Vaksina anticovid / Shqipëria nis negociatat direkte me kompanitë, Rama në SHBA

Nëpërmjet një njoftimi të publikuar në faqen e tij zyrtare në twitter, kryeministri i vendit Edi Rama, ka shkruar: “Sigurimi i vaksinës sa më parë është një prioritet i luftës sonë kundër Armikut të Padukshëm dhe s’do lëmë gur pa luajtur që vaksina të fillojë të vijë sa më parë në Shqipëri! Kontakti sy më sy me prodhuesit e vaksinës i shërben këtij qëllimi.”

Gjithashtu Rama ka njoftuar se është duke udhëtuar drejtë SHBA-së ku pritet të nisin negociata të drejtëpërdrejta me kompanitë prodhuese.

Njoftimi vjen pasi Shqipëria është bërë pjesë e COVAX i cili ka në plan bashkimin e qeverive, organizatave globale të shëndetit, prodhuesve, shkencëtarëve, sektorit privat, shoqërisë civile dhe filantropisë, me synimin për të siguruar një qasje inovative dhe të barabartë në diagnostikimet, trajtimet në vaksinat COVID-19.

COVAX njihet e vetmja zgjidhje me të vërtetë globale për këtë pandemi sepse është e vetmja përpjekje për të siguruar që njerëzit në të gjitha anët e botës do të kenë akses në vaksinat COVID-19 sapo të jenë në dispozicion, pavarësisht nga pasuria e tyre.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.