Vaksina, “Ari i Lëngshëm” i vitit 2021! Paralajmërimi i Interpol: Rrezik i lartë për vjedhje
Vaksina është ‘Ari i Lëngshëm” i 2021, gjëja më e çmueshme për t’u shpërndarë vitin tjetër dhe mafia e organizata të tjera kriminale janë përgatitur për këtë. Me shpërndarjen e vaksinave, kriminaliteti shtohet drastikisht. Ka qenë kjo deklarata e Juergen Stock, sekretar i përgjithshëm i Interpol në një intervistë për “Wirtschaftswoche”
Sipas tij, ‘do të shohim vjedhje në magazine dhe sulme të zinxhirit të shpërndarjes së vaksinave, korrupsioni do të shfaqet në shumë vende për të siguruar më shpejt këtë të mirë të çmueshme’.
Në artikullin e publikuar nga ANSA, ai citohet të ketë thënë se grupet kriminale kanë menduar që nga minuta e parë se si të bëjnë para nga Covid-19 dhe në vend që të fitojnë para nga ilaçet sikurse kanë bërë më parë, janë spostuar shumë shpejt drejt produkteve false si maskat, dezinfektantët etj. dhe një rrezik që paraqitet tashmë, janë edhe vaksinat false.
Në fakt, në procesin e prodhimit dhe shpërndarjes së vaksinave janë angazhuara forcat e ushtrisë të cilat jo vetëm ruajnë fabrikat e prodhimit, por edhe magazinat e ruajtjes së tyre.
Burimi ANSA/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.