Vaksina kundër Koronavirusit – Si po ‘luftojnë’ me kohën kompanitë kërkimore në të gjithë botën?!
Në atë që është një garë e vërtetë kundër kohës për të gjetur një kurë, shumë kompani dhe qendra kërkimore në të gjithë botën po marrin pjesë me teknologji të ndryshme dhe gjithashtu inovative. Një garë që ka një ndikim në bursat në të gjithë botën. Kjo ndodhi edhe kur u njoftua se u zhvilluan vaksinat e para eksperimentale dhe se ishin filluar testimet e para mbi kafshët.
Ekzistojnë disa teknika për krijimin e një vaksine: përdoren versione të dobësuara tradicionale të viruseve, për shembull për shytat dhe vaksinat e rubeolës, të cilat trajnojnë sistemin imunitar të njohë patogjenët. Në rastin e gripit sezonal, përdoren llojet kryesore të zbuluara në fillim të sezonit duke i bërë ato më pas plotësisht të parandalueshme.
Kompania e parë që njoftoi një vaksinë të mundshme të Koronavirusit pas 42 ditësh kërkimesh është një start up i Boston: Moderna, i cili ka kapërcyer me shpejtësi gjigantët farmaceutikë. Kandidati i parë që pati një vaksinë për Sars në 2003 kërkoi 20 muaj hulumtim (megjithëse deri më tani nuk ka ende vaksinë të aprovuar të Sars).
Start upi, i cili përgatiti vaksinën në 25 ditë nga sekuenca gjenomike e krijuar nga Universiteti Fudan në Shanghai dhe testoi në mënyrë analitike operacionin e saj për 17 ditë para se ta paraqiste atë në Institutin Kombëtar të Shëndetit të Shteteve të Bashkuara për të filluar fazën e testimit klinik, pretendon se kur të jetë gati do të kushtojë aq sa vaksinat për sëmundjet e frymëmarrjes. Vaksina e pneumonisë Prevnar 13 kushton afro 800 dollarë për katër injeksione. (Wired)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.