Vaksina mund të kërkohet çdo vit – Pfizer: Doza nxitëse pritet të mbrojë për të paktën 12 muaj
Doza nxitëse e Pfizer-BioNtech pritet të zgjasë të paktën 12 muaj, sipas shefit ekzekutiv të kompanisë Albert Bourla, që shtoi se do të duhen vaksinime vjetore për të mbajtur një nivel të lartë të mbrojtjtes kundër Covid-19. Në një intervistë për BBC, përpara shfaqjes së variantit Omicron, ekzekutivi i Pfizer tha se mendon që vaksinimi vjetor do të duhet për të mbajtur një mbrojtje të fortë.
Ai e përshkroi zhvillimin e vaksinës së Pfizer-BioNtech si një provë të zgjuarsisë dhe fuqisë njerëzore, që ka shëptuar miiliona jetë dhe triliona dollarë. Vaksina origjinale e Pfizer duhet të ruhet në -70 grarë Celsius, ç’ka ka shtuar problemet e logjistikës në disa pjesë të botës si Afrikë, ku autoritetet kanë pasur mungesë të frigoriferëve.
Borula tha se formulimi i ri i vaksinës mund të ruhet në temperatura normale të frigoriferit prej 2-8 gradë Celsius, për deri në 3 muaj. Ekzekutivi tha se po studiohet një vaksinë për përdorim tek fëmijët poshtë 5-vjeç, por efikasiteti i vaksinësa me dozë të ulët nuk është zbuluar ende. Tetë Dhjetori shënon një vit që prej administrimit të vaksinës së parë të Covid-19. Ajo ishte vaksina e Pfizer-BioNTech që i’u dha një 91 vjeçareje në Britani, ç’ka nisi programin e vaksinimit që ka arritur në mbi 46 milionë njerëz deri më tani.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.