Vaksina të posaçme për gorillat – Kopshti zoologjik nis eksperimentin për herë të parë në botë

Në një kopsht zoologjik në San Diego ka nisur një procedurë për vaksinimin eksperimental të COVID – 19. Ky eksperiment vjen pasi pandemia shpërtheu mes gorillave. Në janar, tetë gorilla në kopshtin zoologjik u bënë majmunët e parë të mëdhenj të botë, pozitiv ndaj COVID – 19.

Virusi ka rezultuar prezent edhe në zoologjike të tjera, për kafshë të ndryshme, duke përfshirë luanë dhe tigra. Këto raste,  në kopshtin zoologjik të Bronx-it në New York, si dhe në kopshtin zoologjik të Barcelonës, Spanjë.

Infeksionet Covid-19 janë konfirmuar në kafshë të ndryshme në të gjithë botën, duke filluar që nga qentë dhe macet. Sidoqoftë, në total, rastet kanë qenë përgjithësisht të rralla. Kompania Zoetis nisi zhvillimin e një vaksine COVID – 19 për macet dhe qentë në Shkurt të vitit të kaluar, pasi një qen doli pozitiv në Hong Kong.

Vaksina u konsiderua e sigurt dhe efektive te macet dhe qentë, deri në tetor të vitit të kaluar. Por, deri në shkurt të këtij viti, vaksina nuk ishte testuar në ndonjë kafshë tjetër.

Burimi origjinal: BBC

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.