Vaksina tuberkulozit kundër Covid-19. Do testohet në Britani tek stafi mjekësor. Jep reagim imunitar të përgjithshëm
Vaksina BCG e përdorur gjerësisht për tuberkulozin do të testohet tek punëtorët e kujdesit shëndetësorë në Britani, për efektshmërinë kundër Covid-19, sipas hulumtuesve të njësisë britanike që po ndërmarrin studimin. Vaksina BCG, që përdoret për t’u mbrojtur nga tuberkulozi, shkakton një kundërpërgjigje të gjerë të sistemit imunitar dhe ka treguar se mbron kundër infeksioneve apo sëmundjeve të ashpra me patogjene të tjera të frymëmarrjes.
“BCG ka vërtetuar se nxit imunitet në një mënyrë të përgjithësuar, që mund të ofrojë një farë mbrojtjeje kundër Covid-19”,- tha John Campbell, profesori i Universitetit të Mjekësisë Exeter. Ai tha se po përpiqen të zbulojnë nëse vaksina e tuberkulozit mund të mbrojë njerëzit që janë në rrezik të Covid-19. Nëse kjo ndodh, mund të shpëtohen jetë njerëzish duke përdorur vaksinën që është e gatshme dhe me kosto të ulët.
Studimi britanik është pjesë e një prove australiane ekzistuese, që u nis në muajin Prill dhe ka njësi të tjera edhe në Hollandë, Spanjë dhe Brazil. Vaksina BCG e tuberkulozit po testohet gjithashtu për mbrojtjten ndaj Covid-19 në Afrikën e Jugut. Testi britanik po rekruton vullnetarë përpara muajve të dimrit, që pritet të jenë të ashpra në aspektin e infeksionit. Njësia britanike, që po drejtohet nga Exeter në jugperëndim të Anglisë, po synon të rekrutojë 1,000 punëtorë të kujdesit shëndetësorë, ndërsa në botë, pritet të rekrutohen 10,000 staf.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.