Vaksinimi i fëmijëve 5-11 vjeç në SHBA – Fauci: Pritet të nisë në fillim të Nëntorit pas vendimeve të FDA dhe CDC

Eksperti i latë i sëmundjeve infektive në SHBA,  Anthony Fauci  tha se 28 milionë fëmijë në moshë 5-11 vjeç në Shtetet e Bashkuara do të mund të marrin vaksinën e Covid-19 në dy javët e para të nëntorit.  Ndërkohë që paneli këshillues i Administratës së Barnave dhe Ushqimeve pritet të diskutojë për vaksinimin e fëmijëve këtë javë, Fuci, këshilluesi kryesor i presidentit Biden, tha se është optimist se fëmijët mund të marrin dozat në 2 javët e para të Nëntorit.  “Nuk duhet arritur në përfundim përpara vendimit të agjencive.

Por nëse shihen të dhënat e bëra publike nga kompanitë ,ato duken mirë në lidhje me efektshmërinë dhe sigurinë”- tha Fauci.  Të Premten e kaluar, Pfizer dhe agjencia e barnave publikuan dokumente mbi efektshmërinë e një doze për fëmijë të vaksinës së Pfizer. Kompania bëri të ditur se vaksina ishte 90.7% efektive kundër sëmundjes simptomatike tek fëmijët në moshë 5-11 vjeç dhe agjencia theksoi se përfitimet në dhënien e vaksinës tek fëmijët tejkalojnë rreziqet.   Këshilli i pavarur mbi vaksinën tek Agjencia do takohet këtë Javë për të diskutuar nëse vaksina e Pfizer/BioNtech duhet autorizuar për fëmijët e rinj.

Nëse autorizohet, do bëhet vaksina e parë e disponueshme për atë grup.  Vaksina e pfzier është autorizuar deri më tani për fëmijë në moshë 12-15 vjeç dhe është miratuar për njerëz në moshë 16-vjeç e sipër.  Fauci pret që agjencia të bëjë autorizimin dhe ta dorëzojë tek Qendra për Kontrollin dhe Parandalimin e Sëmundjeve, që të bëjë rekomandimin në nisje të Nëntorit. Nga aty, shefja e CDC do ta nënshkruajë.  “Nëse çdo gjë shkon mirë dhe ne marrin miratim rregullator dhe rekomandim nga CDC, ka shumë gjasa që vaksinat për fëmijët të disponohen në javën e parë apo të dytë të Nëntorit” – tha Fauci.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.