Vaksinimi i fëmijëve në SHBA / Fauci: Pritet nga fundi i vitit 2021 ose fillimi i 2022. Ka nevojë për dozë të tretë
Anthony Fauci, eksperti kryesor i sëmundjeve infektive në SHBA, tha se fëmijët atje pritet të vaksinohen ndaj Covid-19 nga fundi i vitit, apo tremujori i parë 2022. Shtetet e Bashkuara miratuan më herët gjatë muajin përdorimin e vaksinës së Covid-19 të Pfizer me BionTech tek adoleshentët në moshë 12-vjeç e sipër. Fauci theksoi gjithashtu nevojën për një dozë tjetër nxitëse të Covid-19 brenda 1 viti, pas marrjes së dozës primare. “Mendoj se do të kërkojmë një dozë nxitëse brenda 1 viti, pas marrjes së regjimit bazë, për shkak se kohëzgjatja e mbrojtjes kundër koronavirusit nuk është për të gjithë jetën, ashtu si me fruthin”- tha Fauci. Ekzekutivi i Pfizer, Albert Bourla, tha se me shumë mundësi do ketë nevojë për një vaksinë nxitëse mes 8 -12 muaj. Megjithatë, shkencëtarët kanë vënë nën dyshim nevojën e kësaj doze, për shkak të mungesës së të dhënave për një vendim të informuar.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.