Vaksinohet kryeministri i Italisë / Draghi dhe gruaja e tij marrin vaksinën e AstraZeneca
Kryeministri italian, Mario Draghi dhe gruaja e tij Maria Serenella Cappello, morën dozën e parë të vaksinës së AstraZeneca ndaj Covid-19, ndërkohë që vendi synon të përshpejtojë vaksinimin. Italia ishte një ndër vendet evropiane që pezulluan më herët gjatë muajit përdorimin e vaksinës së AstraZeneca, pas raportimeve të mbi 30 rasteve me mpiksje të rrallë të gjakut. Shumica e këtyre vendeve e rinisën administrimin e vaksinës, pasi autoriteti i barnave në Bashkimin Evropian, tha se përfitimet nga injeksioni i tejkalojnë rreziqet.
Draghi dhe gruaja e tij, që janë të dy sipër 73-vjeç, morën vaksinën në një qendër të madhe të imunizimit në stacionin kryesor të trenit në Romë, Termini. Ndërkohë, nga dita e Martë, Lazio u bë rajoni i vetëm në vend që lejohet të reduktojë masat e karantinës. Lazio u kthye në një zonë “portokalli’, pasi ishte në karantinë të plotë për 2 javë. Në zonat portokalli, dyqanet, parukeritë dhe sallonet e bukurisë mund të rihapen, por baret dhe restorantet duhet të ofrojnë vetëm me porosi. Në këto zona, njerëzit lëvizin më lirshëm nëpër qytete dhe fshatra, pa pasur ndonjë arsye të rëndësishme. Italia do të vendosët në një karantinë kombëtare gjatë fundjavës së Pashkëve, për të dytin vit radhazi. Sipas të dhënave të fundit, Italia, me një popullsi prej rreth 60 milionë, ka vaksinuar plotësisht 3.04 milionë njerëz.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.