Vala në spanjë, relativisht e lehtë – Autoritetet paralajmërojnë për dalje nga kontrolli. Udhëzojnë dozat nxitëse

Ministrja spanjolle e Shëndetësisë, Karolina Darias, tha se një rritje e vogël por e qëndrueshme e rasteve me Covid-19 është regjistruar në muajin e kaluar dhe inkurajoi të moshuarit që të marrin një dozë nxitëse përpara Krishtlindjeve.  Vala e fundit e infeksioneve në Spanjë, që ka vaksinuar plotësisht 79% të popullsisë,  është më e butë se ajo e Austrisë apo Hollandës, por autoritetet shqetësohen se situata. mund të dalë shpejt nga kontrolli.

“Gjatë muajit të fundit, kemi parë që norma e infeksionit është rritur lehtë por në mënyrë të qëndrueshme. Kjo është regjistruar në të gjithë grupmoshat, por ka një diferencë tek grupi i pakicës së pavaksinuar”, u shpreh Karolina Darias, Ministre e Shëndetësisë në Spanjë.

Rajoni i Katalonjës në Spanjë, planifikon të kërkojë vërtetim të vaksinimit ndaj Covid apo një test negativ për të hyrë në bare, restorante apo stadiume, ndërsa rajone të tjera po shkojnë drejt kufizimeve të ngjashme, për të zbutur infeksionin.  Spanja ka një normë 14-ditore të infeksioneve prej 148 raste për 100,000 banorë.  Qindra banorë janë parë në rradhë jashtë qendrave të vaksinimit në Madrid për të marrë një dozë nxitëse. Disa persona, si 41-vjeccari Joaquin, po prisnin për të marrë vaksinën. “Duke parë si po shkon situata, mund të mos kemi mundësi të punojmë nëse nuk vaksinohemi”- tha ai për Reuters. Në përkjekje për të trajtuar përhapjen e koronavirusit, disa rajone të spanjës po kërkojnë pëlqimin e gjykatës që të detyrojë përdorimin e pasaportave të Covid në restorante dhe klube të naftës gjatë psuhimeve për Krishtlindje.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.