Valutat e tregjeve në zhvillim – Rritja e dollarit dhe çështjet lokale nxisin shitjen e shpejtë të tyre
Valutat e tregjeve në zhvillim vazhduan rënien në nisje të tregtisë për këtë javë, ndërkohë që kaluan javën më të keqe në më shumë se një vit, në një kohë të rritjes së dollarit dhe çështjeve të tjera lokale që kanë alarmuar investitorët.
Në nisje të tregtisë europiane, indeksi i valutave të tregjeve në zhvillim i JPMorgan, ra me 0.3%. Lira turke pati rënien më të madhe, me 0.85%, duke prekur 4.2624 kundër dollarit amerikan.
Randi i Afrikës së Jugut pati rënien e dytë më të madhe, me 0.45% kundrejt dollarit, ndërsa rupija indiane dhe rubla ruse patën rënie me rreth 0.4%. Peso e Argjentinës ra me 6.2% gjatë javës së kaluar, gjë që solli 3 rritje të normës bazë të interesat nga Banka Qendrore.
Sipas analistëve, kjo vjen prej shitjes së shpejtë gjatë javës së kaluar. Treguesi i valutave i bankës amerikane JPMorgan, ra me 1.7% gjatë javës së kaluar, që është performanca më e keqe që kur Donald Trump fitoi zgjedhjet.
Interesat e borxhit amerikan janë rritur ndjeshëm në muajt e fundit, ndërkohë që të dhënat e forta mbi ekonominë pritet të nxisin Rezervën Federale që të rrisë normat e interesat 3-4 herë këtë vit. Yieldi 10-vjeçar në SHBA kaloi 3%-shin në datë 25 Prill, që është niveli më i lartë në 4 vite.
Yieldi i lartë vendos në vështirësi investitorët që ndërmarrin tregtinë e zhvendosur apo “carry trade”, nën të cilën ata marrin hua në vende me interesa më të ulëta për të blerë borxh në vende me kthim më të lartë.
Kjo tregti ka qenë një nxitës për kërkesën e valutave të tregjeve në zhvillim. Ndërkohë, disa vende kanë pasur edhe çështje lokale që kanë nxitur shitjen e valutave.
Argjentina po përballet me një krizë të besimit, me investitorët që dyshojnë se rritja e normave të interesit me 27.25% në 40% në vetëm 7 ditë, do të frenojë rritjen e inflacionit. Turqia ka pasur probleme të ngjashme, me inflacionin që qëndron sipër 10%-shit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.