Varianti Delta nuk mundet nga vaksina J&J? / Mund të ketë nevojë për doza përforcuese në luftë me variantin e ri

Ekspertët e sëmundjeve infektive po peshojnë nevojën për doza përforcuese të Pfizer / BioNTech ose Moderna për amerikanët që morën vaksinat me një dozë të Johnson & Johnson’s për shkak të prevalencës në rritje të variantit më ngjitës te koronavirusit, Delta.

Debati përqendrohet në shqetësimet se sa mbrojtës është vaksina  J&J ndaj variantit Delta i zbuluar së pari në Indi dhe që tani qarkullon gjerësisht në shumë vende. Delta, e cila gjithashtu është shoqëruar me sëmundje më të rënda, mund të bëhet shpejt versioni mbizotërues i virusit në Shtetet e Bashkuara, kanë paralajmëruar ekspertët shëndetësorë.

Nuk ka të dhëna thelbësore që tregojnë se sa mbrojtëse është vaksina J&J ndaj variantit të ri. Sidoqoftë, studimet në Mbretërinë e Bashkuar tregojnë se dy doza të vaksinave Pfizer / BioNTech ose AstraZeneca janë dukshëm më mbrojtëse ndaj variantit sesa një.

“Nuk ka dyshim që njerëzit që marrin vaksinën J&J janë më pak të mbrojtur nga sëmundja”, sesa ata që marrin dy doza të vaksinave të tjera, tha profesori i Stanfordit, Dr. Michael Lin. “Nga parimi i ndërmarrjes së hapave të thjeshtë për të parandaluar rezultate vërtet të këqija, kjo është me të vërtetë një ide e mirë.”

Ndërkaq, rastet, shtrimet në spital dhe vdekjet kanë rënë në Shtetet e Bashkuara me 56% të popullsisë së rritur plotësisht të vaksinuar.

J&J tha se po teston nëse përgjigja imune nga vaksina e saj është e aftë të neutralizojë variantin Delta në një mjedis laboratorik, por ende nuk ka të dhëna në dispozicion.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.