Varianti Indian i COVID-19 – OBSH: Mund të sjellë “transmetueshmëri të shtuar”. Po përhapet në vendet e tjera
Varianti COVID-19, B.1.617, që u shfaq në Indi, mund të sjellë “transmetueshmëri të shtuar” ose edhe “neutralizim të zvogëluar” për shkak të mutacioneve specifike që ajo përmban, tha një zyrtar i Organizatës Botërore të Shëndetësisë.
Varianti B.1.617, që u shfaq për herë të parë në Indi në 7 Dhjetor 2020, sipas Konsorciumit Indian SARS-CoV-2 mbi Gjenomikën, ka dy mutacione specifike – E484Q dhe L452R – që janë zbuluar në variante më ngjitëse në të gjithë botën, tha Maria Van Kerkhove, Drejtuese Teknike për COVID-19 në OBSH.
“Ky variant i virusit, është një variant interesi me prejardhje nga B.1.617. Kjo u zbulua për herë të parë dhe u raportua nga India që kishte dy mutacione: E484Q dhe L452R. Këto janë mutacione specifike brenda gjenomit. Kjo u raportua nga shkencëtarët jashtë Indi. Ata në fakt na paraqitën në grupin tonë të punës për evolucionin e virusit të hënën, duke na dhënë disa informacione në lidhje me studimet që janë duke u zhvilluar dhe po punojnë në bashkëpunim në të gjithë vendin, por edhe me shkencëtarë në të gjithë botën “, tha Van Kerkhove. Sipas saj, varianti po përhapet në vendet e tjera dhe është raportuar “në të gjithë Azinë dhe Amerikën e Veriut”.
“Ky variant është regjistruar për herë të parë në dy shtete në fund të vitit 2020 dhe ka një përqindje në rritje të rasteve. Dy prej këtyre mutacioneve, që janë regjistruar në variante të tjera në botë, janë shqetësuese, sepse ekziston një ngjashmëri në këto mutacione që japin transmetueshmëri të shtuar. Edhe disa nga këto mutacione gjithashtu rezultojnë në neutralizim të reduktuar, që mund të ketë një ndikim në kundërmasat tona, përfshirë vaksinat”, shtoi Van Kerkhove.
Së fundmi edhe Ministria Indiane e Shëndetësisë publikoi një deklaratë zyrtare, duke thënë se varianti mund të rrisë shkallët e infeksionit dhe të anashkalojë mbrojtjen imune.
Ministria e Shëndetësisë të Premten në mëngjes njoftoi 217,353 raste të reja, kulmin më të lartë njëditor dhe 1,185 vdekje. Ndërkohë, qeveria federale njoftoi se monumentet e mbrojtura, vendet dhe muzetë do të mbyllen deri më 15 maj për të frenuar epideminë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.