Varianti Omicron po përhapet shpejt – Fauci: Vaksinimi dhe dozat nxitëse, më të rëndësishme se kurrë
Varianti Omicron i koronavirusit po përhapet shpejtë në botë ndërkohë që afron sezoni i pushimeve të Dimrit, duke i bërë vaksinimet dhe dozat nxitëse të Covid-19 më të rëndësishme se kurrë për amerikanët që udhëtojnë, sipas ekspertit të lartë mjekësor Anthony Fauci. Omicron është zbuluar përmes testimeve në 43 nga 50 shtete amerikane dhe në rreth 90 vende në total deri më tani, pasi u identifikua për herë të parë në Afrikë dhe Hong Kong në fund të Nëntorit. Numri i rasteve po dyfishohet në 1.5-3 ditë në zona të transmetimit në komunitet dhe pio përhapet shpejtë edhe në vende ku ka nivele të larta të imunitetit në popullsi, sipas Organziatës Botërore të Shëndetësisë.
Efektet e virusit po ndihem përreth Shteteve të Bashkuara, me shtrimet në spitale që po rriten, lojërat sportive që po anullohen dhe qendrat e zbavitjeve që po mbyllen për momentin. Që prej nisjes së muajit, si rastet me Covid ashtu edhe vdekjet janë rritur me rreth 50% dhe numri i pacientëve në spital është rritur me 26%, sipas përllogaritjeve të Reuters. Presidenti Joe Biden planifikon të japë një fjalim këtë Javë mbi variantin e ri dhe planifikon ta luftojë duke përforcuar mesazhin ndaj amerikanëve të pavaksinuar, që të marrin injeksionin, dhe për ata të vaksinuar, që të marrin dozën nxitëse. Fauci i bëri thirrje amerikanëe që do të udhëtojnë gjatë pushimeve që të marrin një dozë nxitëse, vendosin maska dhe shmangin ambientet me shumë njerëz, për të ndihmuar vendin që të ngadalësojë përhapjen e Omicron.
Fauci tha se doza nxitëse rrit bindshëm mbrojtjten nga sëmundja e ashpër e shkaktuar nga Omicron dhe shtoi se varianti do të kalojë me shumë gjasa atë Delta, duke u bërë mbizotëruesi në SHBA.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.