Varianti zyrtar i rritjes së pagave, Ahmetaj: Veç mjekëve e mësuesve, edhe diplomatëve rritje me mbi 20 %!
Fondit për rritjen e pagave për vitin e ardhshme do t’i shtohen edhe diplomatët. Lajmi u bë i ditur nga ministri i Financave Arben Ahmetaj ndërsa prezantoi projektbuxhetin e vitit të ardhshëm. Rritja për diplomatët, sipas ministrit, do të jetë mbi 20%.
Po ashtu, listës së punonëjsve që përfitojnë rritje pagash i janë shtuar edhe punonjësit e policisë së burgjeve, që ishte paralajmëruar edhe më herët nga kryeministri. Në total, janë 3 mijë e 560 punonjës të burgjeve menjë fond vjetor thuajse 200 milionë lekë.
Ndërkohë, në shëndetësi do të ketë rritje pagash për 18 mijë e 415 mjekë e infermierë, ashtu sikurse edhe për 35 mijë e 783 mësues e staf mësimor. Listës së rritjes së pagave për vitin e aradhshëm i shtohen edhe ushtarakët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.