Vazhdojnë negociatat në Gjermani – Liderët premtojnë përfundimin e shpejtë të “ngërçit” politik

Konservatorët e kancelares gjermane Angela Merkel, nisën bisedimet për koalicion me social demokratët, duke premtuar një progres të shpejtë në negociata që synojnë përfundimin e “ngërcit” politik në ekonominë më të madhe të Europës, që ka zgjatur për 4 muaj.

Merkel tha se është optimiste mbi diskutimet që synojnë rikthimin e “koalicionit të madh”, që ka qeverisur Gjermaninë në 4 vitet e fundit. Këto bisedime janë shpresa e saj më e mirë për sigurimin e mandatit të katërt, pas dështimit në krijimin e koalicionit me demokratët e lirë dhe partinë e gjelbërt.

“Mendoj se është e arritshme brenda një afati kohor të arsyeshëm”,  tha Merkel.

Ndërsa shumë ekspertë presin që bisedimet të mbarojnë me sukses,  anëtarët e partisë social demokrate janë dyshues, pasi në rastin më të mirë, partia e tyre do të sakrifikohet për të mbështetur stabilitetin në Europë.

Lideri i social demokratëve, Martin Schulz, theksoi përgjegjësinë e partisë së tij.

“Duke parë sfidat nga Kina dhe Shtetet e Bashkuara, Bashkimit Europian i nevojitet një Gjermani e fortë dhe pro-Europës. Kjo do të arrihet vetëm nëse partia Social Demokrate është në qeveri”, tha Martin Schulz.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.