Vendet me të bukura që mund të gjeni në Paris
Jo vetëm që kryeqyteti francez është një nga qytetet më të vizituara në të gjithë botën, por është gjithashtu dhe një nga më të bukurit. Paris ofron gjithçka që një qytet mund të ofrojë për një turist. Me çdo hap që merr atje, do të habiteni nga arkitektura dhe historia.
Ju me siguri keni dëgjuar se nëse shkoni atje, duhet të merrni një fotografi nga Kulla Eifel, të shihni Mona Lisën ose të argëtoheni në Disneyland. Megjithatë, ka shumë vende të tjera me vlerë që duhet të vizitoni përveç këtyre!
- Montmartre
Montmartre dikur ishte pika më e njohur, sot ajo është një nga lagjet më të vizituara në Paris. Ka kaq shumë arsye përse të gjithë dëshirojnë ta shohin këtë vend, ka rrugë të ngushta dhe me kalldrëm të rrethuar nga shtëpitë e vogla franceze. Ketu gjenden galeritë e artit ku vizitorët mund të shohin veprat e Picasso, Toulouse Lautrec dhe Renoir
- Luxembourg Garden
Kopshti i Luksemburgut, ose Jardin du Luxembourg siç quhet në frëngjisht, është pronë e Senatit Francez dhe është krijuar me iniciativën e “Marie de Medici” në vitin 1612. Sot, kopshti i Luksemburgut ka kaq shumë lulishte ku njerëzit mund të ulen në park të pushojnë ose të bëjnë një foto. A nuk është kjo ide e bukur për një pasdite pariziene? Në këtë mënyrë, ju mund të shijoni edhe pamjen e më shumë se njëqind statujave dhe monumenteve.
- Musée Jacquemart-André
Musée Jacquemart-André është muze privat i cili u krijua nga shtëpia private e “Édouard André dhe Nélie Jacquemart”. I gjithë muzeu është i ndarë në pesë pjesë kryesore: apartamente shtetërore, apartamente informale, kopshti dimëror, muzeu italian dhe apartamente private. E gjithë pjesa e brendshme është befasuese, prandaj sigurohuni që ta vizitoni atë!
- Rue Crémieux
Rue Crémieux është rruga më e gjallë në Paris dhe ndodhet në rrethin e 12-të, ndërmjet “Rue de Lyon dhe Rue de Bercy”. Është një rrugë shumë e vogël, por ofron diçka që turistët nuk do të mund të gjejnë në pjesë të tjera të qytetit. Rruga quhet edhe “Notting Hill of Paris”, kështu a nuk do të dëshironit t’i shihnit këto shtëpi me ngjyrë të pastër me kaq shumë lule dhe bimë përpara tyre?
- La Cour Jardin
La Cour Jardin i përket hotelit “Plaza Athénée” dhe ofron diçka që i bën turistët të vijnë në këtë vend. Vetëm shikoni foton dhe do të shihni se për çfarë po flasim, hoteli ka një nga tarracat më të bukura në qytet. Imagjinoni të kaloni pasditen tuaj parisian këtu, duke ngrënë kruasan dhe duke pirë kafe së bashku me partnerin/en tuaj.
- Le Marais
Një nga vendet më të mira ku mund të përjetoni me të vërtetë frymën e mrekullueshme pariziane është pikërisht lagja e Le Marais. Është një pjesë historike e qytetit ku sot ju mund të gjeni disa nga hotelet, restorantet dhe galeritë më të bukura. Ka kaq shumë gjëra që mund të vizitoni këtu, të tilla si Cafe Charlot, Muzeu Picasso dhe Musée Carnavalet. Le Marais është gjithashtu një nga lagjet famëkeqe hebraike në Paris, ku traditat vazhdojnë të kultivohen, kështu që e gjithë lagja po ofron arkitekturë, kulturë dhe tradita për tu parë.
Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.