Vendet më të shtrenjta në botë për të jetuar për vitin 2021 – Ky qytet u cilësua më i kushtueshmi për herë të parë
Bllokimi i zinxhirit të furnizimit dhe ndryshimi i kërkesës së konsumatorëve kanë rritur koston e jetesës në shumë prej qyteteve tona më të mëdha, sipas një studimi të ri të botuar të mërkurën, dhe inflacioni është më i shpejti i regjistruar gjatë pesë viteve të fundit.
Një qytet ka përjetuar ndryshime më të shpejta se shumica, duke u ngjitur nga vendi i pestë në të parin në indeksin e kostos botërore të jetesës së këtij viti të publikuar nga Njësia e Inteligjencës Ekonomike (EIU).
Qyteti izraelit i Tel Avivit kryesoi renditjen për herë të parë, duke tejkaluar liderin e vitit të kaluar Parisin, i cili tani barazohet në vendin e dytë me Singaporin. EIU ia atribuon rritjen e mprehtë të indeksit të Tel Avivit me rritjen e çmimeve të ushqimeve dhe transportit dhe fuqisë së shekelit izraelit kundrejt dollarit amerikan.
Indeksi i kostos botërore të jetesës për vitin 2021 gjurmon koston e jetesës në 173 qytete globale — 40 më shumë se vitin e kaluar — dhe krahason çmimin e më shumë se 200 produkteve dhe shërbimeve të përditshme.
Të dhënat për sondazhin, i cili është kryer për më shumë se tre dekada, mblidhen nga ekipi global i studiuesve të EIU-së çdo mars dhe shtator. Indeksi krahasohet me çmimet në qytetin e Nju Jorkut, prandaj qytetet me monedha që janë më të forta kundrejt dollarit amerikan ka të ngjarë të shfaqen më të larta në renditje.
Zyrihu dhe Hong Kongu janë respektivisht në numrin katër dhe pesë, pasi kanë mbajtur vendin e parë vitin e kaluar krahas Parisit. Nju Jorku, Gjeneva, Kopenhagen, Los Anxhelos dhe Osaka përfundojnë pjesën tjetër të top 10.
Renditja e lartë e renditjes vazhdon të dominohet nga qytetet e zhvilluara europiane dhe aziatike. Qytetet me rangun më të ulët janë kryesisht në Lindjen e Mesme, Afrikë dhe pjesë më pak të pasura të Azisë.
Qytetet më të shtrenjta në botë për të jetuar në 2021:
- Tel Aviv, Izrael
- Paris, Francë
- Singapor
- Zyrih, Zvicër
- Hong Kongu
- New York City, Nju Jork
- Gjenevë, Zvicër
- Kopenhagë, Danimarkë
- Los Anxhelos, Kaliforni
- Osaka, Japoni
- Oslo, Norvegji
- Seul, Koreja e Jugut
- Tokio, Japoni
- Vjenë, Austri
- Sydney, Australi
- Melburn, Australi
- Helsinki, Finlandë
- Londër, MB
- Dublin, Irlandë
- Frankfurt, Gjermani
- Shanghai, Kinë
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.