Vendet më të varura nga importet e grurit rus dhe ukrainas: Shqipëria në listë – OKB në negociata intensive për të zhbllokuar portet e Ukrainës!
OKB-ja po udhëheq negociatat intensive me Rusinë për të zhbllokuar portet e Ukrainës dhe për të lëshuar dhjetëra milionë tonë drithë për të shmangur një krizë globale ushqimore.
Në grafikun e mëposhtëm janë listuar 27 vendet më të varura nga importet e grurit nga Rusia dhe Ukraina, ku Shqipëria është renditur e 18-ta:
Ndërkaq koordinatori i OKB-së për krizën për vendin e shkatërruar nga lufta, Amin Awad, theksoi rrezikun e lartë të bisedimeve “shumë, shumë komplekse” për t’i dhënë fund ngërçit.
Anijet e ngarkuara me drithë mbeten të bllokuara në Ukrainë, e cila para shkurtit konsiderohej një shportë buke globale si një eksportues kryesor i misrit, grurit dhe farave të lulediellit, duke ushqyer 400 milionë njerëz në mbarë botën vitin e kaluar.
Bisedimet po udhëhiqen nga shefi i ndihmës i OKB-së, Martin Griffith dhe Rebeca Gynspan, e cila drejton agjencinë e tregtisë dhe zhvillimit të OKB-së, tha Awad përmes lidhjes video me gazetarët në Gjenevë.
OKB-ja ka paralajmëruar se veçanërisht vendet afrikane, të cilat importuan më shumë se gjysmën e konsumit të grurit nga Ukraina dhe Rusia, përballen me një krizë “të paprecedentë” të shkaktuar nga konflikti.
Çmimet e ushqimeve në Afrikë tashmë i kanë tejkaluar ato pas pranverës arabe të vitit 2011 dhe trazirave të ushqimit të vitit 2008.
Putin ka thënë se Moska është e gatshme të kërkojë mënyra për të transportuar grurin e ngecur në portet e Ukrainës, por ka kërkuar që Perëndimi të heqë sanksionet.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.