Vendet vakante në Autoritetin e Konkurrencës/ Adriana Berberi dhe Helidon Bushati seancë dëgjimore në Komisionin e Ekonomisë
Zhvillohet seanca dëgjimore në Komisionin e Ekonomisë me kandidatët për vendet vakante të Autoritetit të Konkurrencës.
Konkretisht, zhvilluan seancën dëgjimore në Komisionin e Ekonomisë, Adriana Berberi, kandidaturë e propozuar nga PS dhe Helidon Bushati nga PD.
Kandidatët e propozuar nga PS dhe PD u shprehën se nëse do të jenë ata të përzgjedhur do të përmirësojnë ligjin e konkurrencës.
Kandidatja e propozuar nga PS, Adriana Berberi deklaroi: “Nëse do jem kandidatura e përzgjedhur nga Kuvendi do të kontribuoj për të përmirësuar ligjin e konkurrencës, dhe në qendër të vëmendjes do jetë mbrojtja e konsumatorit.”
Nga ana tjetër, kandidati i propozuar nga PD, Helidon Bushati pohoi: “Do të kontribuoj për të përmirësuar punën e Komisionit të Konkurrencës”.
Vendet vakante janë krijuar si pasojë e përfundimit të mandatit të dy anëtarëve të zgjedhur nga Kuvendi ndaj edhe Komisioni për Ekonominë dhe Financat, në cilësinë e komisionit përgjegjës për këtë institucion, do të marrë në shqyrtim propozimet e grupeve parlamentare me më shumë se 28 deputetë apo propozimet e 28 deputetëve të ndryshëm, të cilat duhet të paraqesin së paku dy kandidatura alternative për secilin vend vakant.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.