Vendimet e qeverisë – Miratohet shtesat për punonjësit e shëndetësisë
Këshilli i ministrave, në mbledhjen e së mërkurës, ka miratuar nivelet e pagave të punonjësve në sektorin e shëndetësisë. Shtesat në paga variojnë në bazë të titullit dhe vështirësisë në punë.
Në mbledhjen e radhës së qeverisë, Këshilli i Ministrave miratoi strukturën dhe nivelet e pagave të punonjësve me arsim të lartë në sistemin e ministrisë së shëndetësisë, në sistemin e ministrisë së mbrojtjes, të punonjësve të infermieristikës, si dhe për trajtimin e mjekëve në strukturat e forcave të armatosura.
Sipas vendimit të zbardhur për mjekët që janë në shërbim rojë 24 orë pa ndërprerje u jepet një shpërblim si më poshtë:
Në qendrat spitalore universitare:
|
Mjek rojë i parë | Mjek rojë i dytë |
Për ditët e zakonshme | 6 000 lekë | 5 600 lekë
|
Për ditët e diela e festat | 8 000 lekë | 7 600 lekë |
Në institucionet e tjera: | ||
Për ditët e zakonshme | 5 600 lekë | 5 200 lekë |
Për ditët e shtuna | 6 000 lekë | 5 600 lekë |
Për ditët e diela e festat | 7 000 lekë | 6 600 lekë |
Mjekët e spitaleve në shërbimin e urgjencës, shërbimin e reanimacionit, shërbimin e hemodinamikës, në njësinë e aksidenteve cerebrale si dhe mjekët neonatë, përfitojnë një shtesë për natyrë të veçantë pune në masën 18 000 (tetëmbëdhjetë mijë) lekë në muaj.
Infermierët dhe laborantët e spitaleve në shërbimin e urgjencës, shërbimin e reanimacionit, shërbimin e hemodinamikës dhe në njësinë e aksidenteve cerebrale përfitojnë një shtesë për natyrë të veçantë pune në masën 12 000 (dymbëdhjetë mijë) lekë në muaj.
Mjekët, të cilët në zbatim të sistemit të referimit dërgohen për konsulta dhe ndërhyrje kirurgjikale në spitale të tjera, përfitojnë për çdo ditë shërbimi një shtesë në page, si më poshtë vijon:
- a) mjekët e institucioneve spitalore universitare 10 000 lekë;
- b) mjekët e spitaleve rajonale 5 000 lekë.”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.