Vendimi i fundit/ Rindërtimi pas tërmetit, Konferenca e Donatorëve e BE-së do të mbahet në Tiranë!

Konferenca e Donatorëve Ndërkombëtare për të ndihmuar Shqipërinë në programin e Rindërtimit pas tërmetit do të mbahet në Tiranë. Lajmi bëhet i ditur nga kryeministri Edi Rama. Konferenca dfo të mbahet në fund të muajit Janar.

“Është një lajm i shumëdëshiruar marrja mbrëmë e vendimit të Këshillit Europian për mbajtjen e Konferencës së Donatorëve në Tiranë, në fund të muajit Janar, me qëllim mbështetjen e Programit të Rindërtimit nga të gjitha shtetet anëtare të BE. 

Mbajtja e premtimit që mora nga shumë prej liderëve europianë për këtë konferencë të domosdoshme, më mbush me energji e me optimizëm për suksesin e përpjekjes që të dalim të gjithë më të fortë nga kjo tragjedi, duke nisur nga motrat e vëllezërit tanë fatkeq, të cilët duhet t’i rikthejmë në shtëpi më të mira se ato që humbën, si edhe nga fëmijët e tyre, të cilëve do t’u bëjmë shkolla më të mira nga ato që kishin” njofton kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.