Vendimi i qeverisë – Zyrtarët e vettingut do të vendosen tek ish-Lidhja e Shkrimtarëve
Organet e Vettingut do të sistemohen në ambientet e ish-godinës së Lidhjes së Shkrimtarëve dhe Artistëve.
Këshilli i Ministrave, përmes një vendimit të ditës së premte, ka vendosur të caktojë ndërtesën ku deri para pak vitesh ka qenë Ministria e Kulturës, si qendër ku do të kryejnë aktivitetin e tyre të zgjedhurit nga Kuvendi, të cilët do të kryejnë procesin e vetting-ut për gjyqtarët dhe prokurorët.
Pas zhvendosjes së Ministrisë së Kulturës në ambjentet e ish-Kinostudios, godina në rrugën e Kavajsë është shfrytëzuar si degë e Shërbimit Kombëtar të Punësimit.
Ndonëse ende funksionale, qeveria ka vendosur të caktojë një buxhet prej 103 milionë lekësh për restaurimin e saj. Ky fond të përballohet nga buxheti i Ministrisë së Kulturës, edhe pse godina është nën varësinë e kësaj ministrie.
Sipas njoftimit zyrtar, propozimi për restaurimin e këtij objekti u bë nga Ministrja e Kulturës Mirela Kumbaro.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.