Vendimi i Kryesisë, kush do të drejtojë PS në Tiranë? Deputetja që do të mbajë postin e Koordinatores Kombëtare për bashkëqeverisjen me qytetarët

Kryetare e Partisë Socialiste për Tiranën do të jetë deputetja Blerina Gjylameti, ndërsa në postin e koordinatores kombëtare të bashkëqeverisjes me qytetarët do të jetë Elisa Spiropali.

Vendimet janë marrë në mbledhjen e Kryesisë pasditen e sotme, ndërkohë që janë bërë publike nga kreu i grupit parlamentar të PS, pas mbledhjes së kryesisë. Ai sqaroi për mediat detyrat e reja të deputeteve për platformën e bashkëqeverisjes dhe drejtimin e PS në qarkun më të madh.

“Kryesia e PS ka mandatuar Elisa Spiropalin që të jetë koordinatorja kombëtare e bashkëqeverisjes me njerëzit për të vijuar punën intensive që sapo kemi nisur të komunikimit në çdo cep të Shqipërisë me këdo që është i gatshëm të bëhet pjesë e kësaj aleance të madhe të bashkëqeverisjes për Shqipërinë që duam. Po ashtu Kryesia e Partisë shprehu vlerësimin për punën e deritanishme por dhe besimin e madh që kolegia jonë Blerina Gjylameti të drejtojë PS e Tiranës prej këtej e në vijim”, u shpreh Balla.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.