Vendimi/ Miratohet masa e shpërblimit për përfituesit nga skema e ndihmës ekonomike dhe paaftësisë
Këshilli i Ministrave ka miratuar vendimin për shpërblimin dhe kompensimin e kategorive të caktuara për festat e fundvitit. Kështu, referuar vendimi, përfituesit nga skema e ndihmës ekonomike dhe paaftësisë do të kompensohen në masën 3 mijë lekë, të ndarë sipas kategorive të mëposhtme:
- Familje që trajtohen me ndihmë ekonomike
- Familje, të cilat kanë në përbërje të tyre anëtarë me aftësi të kufizuara, të lindur ose të bërë të tillë, të cilët deklarohen të paaftë për punë
- Individët përfitues të ‘Statusit të invalidit paraplegjik dhe tetraplegjik’
- Individë përfitues të ‘Statusit të verbër’
Fondi i akorduar përllogaritet të jetë 396 147 000 dhe do të përballohet nga buxheti i ministrisë përgjegjëse për çështjes sociale. Vendimi pritet të hyjë në fuqi menjëherë pas botimit të tij në ‘Fletoren Zyrtare.’
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.