Vendimi për të zhvilluar një votim të ri shkakton protesta në Turqi -Erdogan: ”Përsëritja e zgjedhjeve, hap i rëndësishëm demokracinë”
Zgjedhjet për kryebashkiak në Stambollit u prekën nga “krimi i organizuar dhe korrupsioni i rëndë”, thotë presidenti turk Rexhep Tajip Erdogan. Ai mbron vendimin për të rifilluar votimin e 31 marsit, i cili u kthye në një fitore për opozitën. Parlamenti Evropian gjithashtu tha se ky vendim do t’i jepte fund kredibilitetit të zgjedhjeve demokratike në Turqi.
Por, vendimi për të zhvilluar një votim të ri, i cili do të mbahet më 23 qershor, nxiti protesta në të gjithë qytetin. Qindra njerëz u mblodhën në disa rrethe duke protestuar me slogane anti-qeveritare nëpër duar.
Pavarësisht, këtyre protestave, presidenti ka këmbëngulur se kishte “paligjshmëri” në votim dhe tha se zgjedhjet e përsëritura do të përfaqësonin “një hap të rëndësishëm për të forcuar demokracinë tonë”.
Presidenti, i cili së pari erdhi në pushtet në vitin 2003, tha gjithashtu se “vjedhësit” kishin cënuar “vullnetin kombëtar” në kutinë e votimit, duke shtuar se nëse nuk do të merreshin masa atëherë populli do të kërkonte një shpjegim prej qeveritarëve.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.