Vendimi/ Qeveria emëron në krye të Agjencisë Kombëtare të Mjedisit, Edison Konomin
Këshilli i Ministrave ka emëruar në krye të Agjencisë Kombëtare të Mjedisit, Edison Konomin.
Emërimi është miratuar sot në mbledhjen e radhës së Këshillit të Ministrave dhe vendimi i plotë është publikuar pak minuta më parë në faqen e Kryeministrisë.
Konkretisht në vendim thuhet se “Në mbështetje të nenit 100 të Kushtetutës nenit 61, të ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Turizmit dhe Mjedisit, Këshilli i Ministrave vendosi: Z. Edison Konomi të emërohet Drejtor i Përgjithshëm i Agjencisë Kombëtare të Mjedisit”.
Më parë Konomi ka mbajtur postin e deputetit të Partisë Socialiste, kreut të PS për Durrësin, si dhe të kreut të Drejtorisë së Doganave për Durrësin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.