Vendimi/Qeveria shtyn pagesën e tatimfitimit për vitin tjetër! Vetëm një pjesë e sipërmarrjes do ta paguajë pas 30 shtatorit

Qeveria ka vendosur të shtyjë për vitin e ardhshëm pagesën e kësteve të tatimfitimit për bizneset. Kjo u bë e ditur nga kryeministri gjatë prezantimit të paketës financiare të dytë në mbështetje të individëve dhe sipërmarrjeve të prekura nga masat parandaluese për përhapjen e COVID-19.

Referuar deklarimit të kryeministrit, me përjashtim të sistemit banker, kompanive publike e kompanive të furnizimit të mallrave esenciale të konsumit që kanë pasur volum të shtuar pune në këtë periudhë, pagesat e këstëve të tatim-fitimit do të shtyhen për pas datës 30 shtator.

Ndërkohë, për fasonët, sektorin e turizmit, call-center dhe bizneset e vogla me xhiro deri 14 milionë lekë, pagesa do të shtyhet përtej 31 dhjetorit të këtij viti. Kryeministri tha se shlyerja e pagesave do të bëhet në mënyrë proporcionale, duke lënë të kuptohet se do të ketë një organizim të përshtatshëm për të mos mbingarkuar bizneset.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.