Venecia ndalon lundrimin e krocierave – Ministrat bëjnë thirrje për të krijuar një terminal të ri të jashtëm
Anije të mëdha pasagjerësh nuk do të lejohen më të lundrojnë pranë qendrës së Venecias, ka njoftuar qeveria e Italisë.
Vitin e kaluar, një Komitet Ndërministror kishte vendosur që anijet e pasagjerëve të lundronin nëpër Venecia për t’u ankoruar jashtë lagunës, por vendimi i përkohshëm parandalon anijet e lundrimit të afrohen edhe në Sheshin ikonik të Shën Markut. Masa u njoftua në një deklaratë të përbashkët nga ministritë e Mjedisit, Kulturës, Turizmit dhe Infrastrukturës së Italisë pas një video konference të Enjten.
Ministrat thanë se vendimi u mor për të mbrojtur një trashëgimi historike dhe kulturore jo vetëm të Italisë por të të gjithë botës. Të katër ministrat gjithashtu kanë bërë thirrje për ide për të krijuar një terminal të ri të jashtëm për anijet dhe zgjidhjen e problemit të tranzitit të anije të mëdha në Venecia në një mënyrë strukturore dhe përfundimtare.
Para pandemisë, anijet e lundrimit sollën miliona turistë në Venecia, një vend i Trashëgimisë Botërore të UNESCO-s.
Në 2019, anija e lundrimit MSC Opera u përplas me një anije turistike në Kanalin Giudecca, një nga rrugët kryesore ujore të Venecias, duke ringjallur debatin nëse anijet e mëdha duhen lejuar në kanalet e Venecias. (Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.