Verë e kuqe dhe e bardhë tek Bujqësori/ Shpallet tenderi për pasurimin e vreshtit dhe drufrutorëve. Fondi 11.9 milionë lekë

UBT do të ‘pasurohet’ me kultivarë për verë të kuqe dhe të bardhë. Tenderi është shpallur në Agjencinë e Prokurimit Publik, me objektiv kompletimin e bimëve drufrutore, vreshtave, si dhe krijimin e koleksioneve eksperimentale.

Fondi i vënë në dispozicion të këtij projekti është 11.9 milionë lekë, me financim nga Buxheti i Shtetit. Sipas specifikimeve të tenderit, përsa i përket vreshtit, disa nga llojet e kultivarëve për verë janë Merlot, Shesh i Zi, Primitivo, Kabernet Sovinjo, Shesh i bardhë, apo Trebiano Toscano. Nga ana tjetër, specie frutore janë kumbull, qershi, hurmë, bajame, fiq dhe lajthi.

Tender i shpallur në Agjencinë e Prokurimit Publik do të qëndrojë i hapur  deri më 25 nëntor, ora 09:00.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.