Veshje inteligjente – Tashmë mund të blini rroba që ‘rriten’ bashkë me fëmijët tuaj
Ato mund të zgjerohen në drejtim të shumëfishtë, por gjithmonë tkurren në madhësinë e tyre origjinale. Secili grup i përshtatet fëmijës në rritje për më shumë se 3 vjet para se të rivendoset në madhësi dhe t’i kalohet një vëllai ose motre.
Këto veshje inteligjente janë të frymëzuara nga arti japonez i Origami dhe mund të ndihmojnë botën e modës të zvogëlojë gjurmën e saj mjedisore si dhe të kursejë para prindërve.
Këto rroba janë një ide dhe prodhim i start up-it London ‘Petit Pli’ (frëngjisht; palosje e vogël), themeluesi i të cilit, Ryan Yasin u trajnua si një inxhinier aeronautik, i specializuar në strukturat e palosshme që do të vendoseshin në hapësirë.
Industria e modës është ndotësi i dytë më i madh në botë që prodhon 1.2 miliardë ton gazra serë në vit, më shumë se aviacioni dhe transporti së bashku. 57% e të gjitha rrobave përfundojnë në deponi.
Fëmijët kalojnë nëpër 7 madhësi veshjesh në 3 vitet e tyre të para të jetës dhe shumë prej tyre hidhen në [plehra akoma pa u veshur apo përdorur.
Për këtë arsye Petit Pli po eksperimenton me variant që do të fshehë njollat dhe ndërkohë po eksploron versionet e të rriturve gjithashtu.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.