Vështirësitë e agjencive reklamuese gjatë pandemisë – Një biznes që mund të ndryshojë tërësisht në të ardhmen
Agjencitë amerikane do të shkurtojnë mbi 50,000 vendeve pune deri në fund të vitit 2021, sipas vlerësimeve të Forrester të cituara nga AdExchanger. Për referencë, në total, rreth 250,000 njerëz janë punësuar nga agjencitë e reklamave deri në fund të vitit 2019.
Jashtë SHBA, humbjet e vendeve të punës pritet të jenë në nivele të ngjashme. Për kontekst, agjencitë tashmë janë detyruar të pushojnë nga puna dhe punonjësit e tyre kryesor në vazhdën e pandemisë, si dhe të ulin pagat.
Shkurtimet e parashikuara kryesisht pritet të vijnë nga shkurtimi i kompanive për buxhetin e marketingut, për shkak të pandemisë. Forrester vlerëson që shpenzimet e mediave të bien me 23% gjatë dy viteve të ardhshme. Për krahasim, vlerësimet e vendosin reklamimin e ekranit dixhital të SHBA-së në një rënie prej 18% në gjysmën e dytë të këtij viti, dhe shpenzimet për reklama televizive amerikane me një rënie prej 29.3% për të njëjtën periudhë.
Në afatgjatë, kompanitë ka të ngjarë të shpejtojnë trendin për ta zhvendosur marketingun brenda kompanive të tyre, duke mos u varur më nga agjencitë e marketingut. Kompanitë tashmë janë duke tërhequr gjithnjë e më shumë marketingun e tyre “brenda shtëpisë”: Disa shembuj përfshijnë L’Oreal dhe PepsiCo.
Më tej, në vitin 2019, 42% e tregtarëve treguan se po eksploronin mundësinë e tërheqjes së mediave dixhitale dhe krijuese brenda kompanive të tyre. Duket se ky trend është bërë më i fuqishëm gjatë pandemisë, për shkak se i lejon kompanive të kursejnë më shumë para.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.