Vetting-u në Polici drejt Pezullimit? – Projektligji në Kuvend: Të kalohet në “sitë” trupa e SHÇBA, të pezullohet për Policinë
Me nismën e 5 deputetëve është depozituar në Kuvend një Projektligj i cili parashikon pezullimin e procesit të Vetting-ut në radhët e Policisë për ta përqendruar tërësisht te trupa vlerësuese e Shërbimi për Çështjet e Brendshme dhe Ankesat. Kjo, sipas tyre, do të bënte të mundur që më pas trupa vlerësuese e SHÇBA të përqendrohej në vijim te procesi i rivlerësimit të titullarëve të rendit.
Në relacionin shoqërues, deputetët sqarojnë se Qëllimi i këtij projektligji është të përmirësojë eficencën e procesit (të vlerësimit kalimtar dhe periodik sipas parashkrimeve të Ligjit 12/20l8, duke pezulluar procesin e vlerësimit kalimtar të punonjësve të Policisë së Shtetit dhe Gardës së Republikës dhe duke e orientuar punën e Komisionit të Jashtëm të Vetting-ut në përfundimin së pari të procesit të vlerësimit kalimtar për trupën vlerësuese të Shërbimit për Çështjet e Brendshme dhe Ankesat. Bazuar në raportimin e fundit të KJV, që kur ka filluar punën KJV deri në Dhjetor 2020 kanë përfunduar procesin e Vlerësimit kalimtar vetëm 32 subjekte.
Ky ndryshim do të mundësonte fokusimin dhe përmbylljen në kohë të procesit të Vetingut për trupën vlerësuese të Shërbimin për Çështjet e Brendshme dhe Ankesat, e cila më lej, do të mund të shtrinte objektin e Vlerësimit kalimtar dhe periodik në subjektet e tjera të ligjit. Gjithashtu, ky ndryshim do të mundësonte kohën e nevojshme që institucionet e përfshira lë bënin një analizë më të thelluar të këtij procesi dhe t’i propozonin ligjvënësit zgjidhje per një sërë problematikash të evidentuara edhe nga partnerët ndërkombëtarë në fushën e rendit dhe sigurisë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.