Vetting-u, pasuritë e fshehura, Hyseni: Do gjurmohen transaksionet e pronat jashtë kufijve
Hetimi për pasuritë e gjyqtarëve e prokurorëve që i janë nënshtruar Vetting-ut do shtrihet përtej kufijve të Shqipërisë në bashkëpunim me strukturat ndërkombëtare.
Alket Hyseni, Anëtar i Komisionit Parlamentar të Ligjeve dhe ish kreu Drejtorisë së Përgjithshme të Parandalimit të Pastrimit të Parave thotë se kjo strukturë ka grumbulluar prej vitesh informacione mbi pasuritë e aktiviteteve kriminale apo të korrupsionit.
Sipas tij, këto të dhëna do vihen në dispozicion të komisioneve të Vetting-ut për të gjurmuar pasuritë e fshehura brenda dhe jashtë kufijve.
Hyseni thotë se rezultatet e para nga hetimi i dosjeve të gjyqtarëve e prokurorëve do bëhen publike në javët në vijim.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.