Vetting-u, reagon KPK – Komisioni: Disa rezultatet të publikuara nëpër media, të pavërteta

Komisioni i Pavarur i Kualifikimit,  ka reaguar ndaj lajmeve të publikuara në disa media rreth procesit të vlerësimit apo rezultatit të tij për subjekte konkretë, në të cilat është cituar si burim informacioni ky Komision.

Përmes një deklarate zyrtare, Komisioni nënvizon se asnjë rezultat i publikuar jo zyrtarisht prej tij nuk është i vërtetë dhe nuk duhet marrë i mirëqenë. Komisioni i Pavarur i Kualifikimit thekson faktin se komunikimi mbi të dhënat e procesit të rivlerësimit në përgjithësi, apo për raste të veçanta, bëhet VETËM nëpërmjet komunikimit zyrtar, siç është faqja zyrtare e internetit të këtij institucioni, koordinatori për mediat dhe/ose vendimet e trupave gjykuese mbi rastet individuale.

“Çdo informacion tjetër, i marrë jashtë komunikimit zyrtar, mbi procesin e rivlerësimit NUK është i autorizuar nga Komisioni i Pavarur i Kualifikimit dhe nuk shpreh qëndrimin e tij”, thekson në deklaratë organi kryesor i Vettingu-t.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.