Vezët në treg, të sigurta! – Shtjefni: Analiza dhe kontrolle çdo ditë, gripi është kapitull i mbyllur!
Ndërsa konsumatorët janë të stepur për të konsumuar veze për shkak të gripit të shpendëve i cili është përhapur në një pjesë të mire të vendit, përfaqësuesit e stabilimenteve të prodhimit të vezëve garantojnë se nuk ka asnjë rrezikshmëri.
Në një intervistë për Tv “SCAN”, Alfred Shtjefni nga kompania “Agro Alko” në Shkodër shprehet se sëmundja e ifluencës aviare është një kapitull i mbyllur dhe se në stabilimente po bëhen kontrolle dhe analiza nga institucionet kompetente çdo ditë.
Shtejfni shprehet se kjo situatë e ka dëmtuar shumë sektorin e prodhimit dhe tregmit të vezëve, por nga ana tjetër edhe shtrenjtimi i lëndëve të para është një shqetësim pasi reflektohet në çmime më të rritura të këtij produkti në treg.
Gripi i shpendëve u konstatua fillimisht më 19 mars dhe u përhap në 4 vatra kryesore, për të cilat Ministria e Bujqësisë ka marrë masat përkatëse për izolimin e tij dhe po monitoron çdo produkt në shitje.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.