[VIDEO] Dronët që mund të “mbjellin” pemë! Nga krijimi i hartave 3D deri te mbjellja e 100 mijë farave në ditë
Çdo vit rrëzohen apo priten në mbarë botën rreth 15 miliardë pemë dhe mbillen rreth 9 miliardë të tjera.
Pra me një matematikë të thjeshtë, humbja e pemëve çdo vit llogaritet në 6 miliardë. Procesi i mbjelljes së pemëve është një proces i ngadalshëm dhe i shtrenjtë, ndaj kemi nevojë për një zgjidhje në shkallë industriale, shkruajnë mediat.
“BioCarbon Engineering”, një kompani me bazë në Britani mbështetur edhe nga prodhuesi “Droni Parrot” ka dalë me një metodë të re për mbjelljen e pemëve me një kosto të ulët.
Gjithashtu, përmes kësaj metode, mund të mbillet në zona të vështira për t’u përshkruar, ose të cilësuara si të paarritshme.
“Së pari droni skanon topografinë për të krijuar një hartë 3D. Më pas i ngarkuar me fara, droni mund t’i hedhë ato në tokë, me një normë “një për sekondë”, ose rreth 100,000 fara në ditë”.
Inxhinierët e sistemit vlerësojnë se metoda e tyre është rreth 10 herë më e shpejtë dhe kjo të merr vetëm 20% e kostos, krahasuar me mbjelljen me duar. Për shkak se nuk janë të nevojshme makineritë e rënda, është e mundur të mbillet në zona të vështira, aty ku nuk ka rrugë ose terreni është i vështirë, tashmë ekipi i “BioCarbon” e ka testuar teknologjinë në vende të ndryshme.
Një ide e ngjashme është duke u përdorur nga Oregon start-up DroneSeed, e cila është duke u përpjekur për të krijuar një epokë të re të “pylltarisë” me anë të përdorimit të dronëve.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.