VIDEO- Dyqanet e Tiranës “pastrohen” nga shashkat! Policia: Nga kontrollet e ushtruara nuk kemi konstatuar lëndë plasëse
Pas shpalljes së urdhërit të ministrisë së Brendshme për ndalimin e importimit dhe tregtimit të lëndëve plasëse e pas ndëshkimit të disa tregtarëve që u gjetën në shkelje të këtij urdhëri, situata duke se ka ndryshuar. Referuar njoftimit zyrtar të Policisë së Tiranës, nga kontrollet e ushtruara në disa zona të kryeqytetit nuk janë konstatuar lëndë plasëse apo produkte piroteknike.
“Kontrollet janë ushtruar në dyqanet dhe tregjet e ndodhura në rrugët “Petro Nini”, “Ali Demi”, rruga e Elbasanit, “Ali Kelmendi”, “Ferit Xhajko”, “Nee York” etj” njofton Policia ndërsa konfirmon se nuk ka gjetur shkelje.
Gjithashtu shërbimet e Policisë kanë ushtruar inspektim në lidhje edhe me elementët e sigurisë me të cilat duhen të jenë të pajisura subjektet (dyqanet), siç janë kamerat e vëzhgimit apo pajisja me fikëse zjarri.
Policia njofton se kontrollet do vijojnë edhe në ditët në vijim në gjithë dyqanet e tregje, në gjithë vendin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.