[VIDEO] Një muaj nga nisja e punimeve për Rrugën e Arbrit – Rama: Puna po ecën për bukuri
Kryeministri Edi Rama ka shpërndarë këtë mëngjes pamje filmike nga punimet në kantierin e Rrugës së Arbrit. Puna për këtë projekt infrastrukture që lidh Tiranën me Dibrën ka nisur një muaj më parë, ndërkohë që punimet në këtë fazë duket se janë të përqendruara në përgatitjen e terrenit dhe gërmimin e tuneleve.
“Puna po ecën për bukuri si edhe duke u çuar një përshëndetje të posaçme, meraklinjve të projekteve 3D që thonë këto nuk bëhen kurrë, ju uroj të gjithëve një ditë të mbarë”, shkruan Rama në Facebook.
Ndërtimi dhe mirëmbajtja rrugës është marrë përsipër nga kompania Gjoka, fituese e tenderit dhe do të kushtojë 240 milionë euro. Afati përfundimtar i ndërtimit të veprave të artit do të jetë 44 muaj dhe afati kohor për mirëmbajtjen dhe operimin e tunelit 111 muaj.
MIRËMËNGJES 😃dhe me këtë videoinformacion nga kantieri i Rrugës së Arbërit, ku puna po ecën për bukuri si edhe duke u çuar një përshëndetje të posaçme, meraklinjve të projekteve 3D😉 që thonë këto nuk bëhen kurrë, ju uroj të gjithëve një ditë të mbarë 🌹
Posted by Edi Rama on Tuesday, July 17, 2018
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.