[VIDEO] Projekti për godinën e re të Arkivit Qendror të Shtetit – Vendi ku do ndërtohet dhe dokumentet që do të ‘strehojë’
Dokumentet e Arkivit Qendror Shtetëror tashmë do të ruhen edhe në një vendstrehim të ri, në Shkozë. Lajmin e ka bërë të ditur kryeministri Edi Rama përmes një postimi në profilin e tij në rrjetin social “Facebook’, sipas të cilit ndërtimi i tij nis në Vitin Mbarëkombëtar të Gjergj-Kastriot Skënderbeut.
Projekti parashikon ndërtimin e një godine të re dykatëshe të Arkivit Qendror të Shtetit, e cila do të vendoset në vazhdim të godinave ekzistuese. Ajo do të ketë një sipërfaqe prej 1843 m2 dhe në të do të ruhen 48 826 kuti arkivimi.
“MIRËMËNGJES dhe me projektin domethënës të vendruajtjeve të reja të Arkivit Qendror Shtetëror në Shkozë, ndërtimi i të cilit nis në Vitin Mbarëkombëtar të Gjergj Kastriotit-Skënderbeut, si një prej përparësive të tij ju uroj një 2 Mars të mbarë.
Kujtesa e kombit tonë kaloi përmes një 25-vjeçari shkatërrues dhe ne kemi bërë çmos ta ndalim hemoragjinë e shkatërrimit e të çelim një fazë të re, në çdo aspekt.
Me këtë projekt do të ruajmë dokumentet e paraardhësve të secilit prej nesh brenda standardeve ndërkombëtare arkivore, për herë të parë në historinë e vendit tonë.”
Sipas drejtorit të Përgjithshëm të Arkivave, në vendruajtjet e reja do të ruhen rreth 8 kilometër linearë dokumentacion.
“Rreth 8 kilometër linearë dokumentacion do të ruhen në vendruajtjet e reja, mjaftueshëm për sasinë aktuale që gjendet në Shkozë dhe për 50 vitet e ardhshme. Nga kushtet skandaloze të shkatërrimit në kushtet më bashkëkohore të standardeve ndërkombëtare!,” shkruan Bido.
Buxheti për ndërtimin e një godine tërësisht të re për strehimin e dokumentet tashmë ka kaluar në Kuvendin e Shqipërisë dhe kap vlerën e 2 milionë dollarëve. Përmes këtij projekti synohet ruajtja e dokumenteve të paraardhësve në kushte bashkëkohore të standardeve europiane.
G.D/SCAN
MIRËMËNGJES?dhe me projektin domethënës të vendruajtjeve të reja të Arkivit Qendror Shtetëror në Shkozë, ndërtimi i të cilit nis në Vitin Mbarëkombëtar të Gjergj Kastriotit-Skënderbeut, si një prej përparësive të tij ?? ju uroj një 2 Mars të mbarë?Kujtesa e kombit tonë kaloi përmes një 25-vjeçari shkatërrues dhe ne kemi bërë çmos ta ndalim hemoragjinë e shkatërrimit e të çelim një fazë të re, në çdo aspekt. Me këtë projekt do të ruajmë dokumentet e paraardhësve të secilit prej nesh brenda standardeve ndërkombëtare arkivore, për herë të parë në historinë e vendit tonë ?? Siç thonë dhe arkivistët, #ArkivatFrymëzojnë ?
Posted by Edi Rama on Thursday, March 1, 2018
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.