Videomesazhi i Kreut të Opozitës – Basha: ”Shqiptarët janë të varfër se janë të vjedhur! -Qeveria në shërbim të oligarkëve”
Kreu i Opozitës Lulzim Basha ka zgjedhur këtë të premte ta ilustrojë përmes një videomesazhi varfërinë ku sipas tij e ka zhytur vendin korrupsioni e vjedhja e Qeverisë. Mesazhi, ku shfaqet dëshmia e një babi që nuk ka para të blejë ushqim për fëmijët e tij, thekson se dhe se varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh.
”Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur. Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe luks, ndërsa shqiptarët nuk sigurojnë dot bukën e përditshme” vijon më tej videomesazhi.
”Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës. Edi Rama është artist i mashtrimit. Çdo gjë që ka premtuar, çdo gjë që ka thënë ka qenë mashtrim me qëllim për të vjedhur. Çdo projekt, program dhe politike është mashtrim për shqiptarët në shërbim të oligarkëve. Që të çlirojmë ekonominë dhe të hapim vende pune e mundësi për çdo shqiptar, duhet të largojmë Hajdutin Psiqik dhe bandën e tij grabitqare”– thuhet në mbyllje të videomesazhit të publikuar nga Basha.
Lorenc Rabeta/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.