Vihen në lëvizje hekurudhat! Instat: Transporti është rritur me afro 30%
Në pesëmujorin e parë të vitit 2021, volumi i mallrave të ngarkuara/shkarkuara në porte është 1.933 mijë ton, duke u rritur me afro 17%, krahasuar me të njëjtën periudhë të vitit paraardhës.
Referuar publikimit më të fundit të INSTAT, maji po ashtu ka treguar një rikuperim të ndjeshëm, ku sipas të dhënave, ka tejkaluar jo vetëm majin e vitit 2020, por mesataren e muajve maj për periudhën 3 vjeçare 2018-2020.
Shifrat e INSTAT tregojnë se volume i mallrave të ngarkuara/shkarkuara në porte në maj 2021 është 401.3 mijë ton, duke u rritur kështu me afro 12%, krahasuar me maj 2020. Nga ana tjetër, rritja, krahasuar me mesataren e 3 vjeçarit 2018-2020 është me afro 8%.
Ajo çka dallohet nga të dhënat e Institutit të Statistikave është “vënia në lëvizje” e transportit hekurudhor. Shifrat flasin për një rritje me afro 28%, krahasuar me janar – maj 2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.