Vijojnë aplikimet – 2 HEC-e të reja pritet të ndërtohen në Qarkun e Lezhës
Aplikimet për ndërtimin e hidrocentraleve të vogla në vend kanë vijuar edhe këtë vit. Pranë Ministrisë së Infrastrukturës dhe Energjisë është paraqitur një kërkesë për ndërtimin dy HEC-eve të reja në Qarkun e Lezhës.
Shoqëria “Uleza Ndertimi” sh.p.k ka aplikuar pranë Ministrisë së Infrastrukturës dhe Energjisë për ndërtimin e dy hidrocentraleve të vogla, “ Munella 1 dhe 2”.
HEC-et janë parashikuar të ndërtohen në përroin e Vaut, në Qarkun e Lezhës. Ndërkohë, kapaciteti prodhues i tyre është parashikuar të jetë deri në 2 MW.
Vetëm gjatë dy muajve të fundit të vitit të kaluar pati një ‘bum’ kërkesash për ndërtimin e më shumë se 6 hidrocentraleve të vogla në Qarkun e Lezhës, Shkodrës dhe atë të Korçës.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.