Vijojnë kontrollet dhe monitorimet nga AKU – 10 paralajmërime dhe mbi 400 inspektime gjatë 24 orëve të fundit
Trupat inspektuese të AKU-së kanë vijuar gjatë 24 orëve të fundit 446 inspektime dhe monitorime si pjesë e Taks-Forcës Anti-Covid ku në çdo monitorim vijohet të këmbëngulet në zbatimin e protokolleve të sigurisë nga çdo biznes, për të shmangur përhapjen e virusit Covid-19.
Sipas njoftimit gjatë inspektimeve janë dhënë dhjetë paralajmërime në biznese ushqimore, për mungesë të librezave shëndetësore, rinovim të analizave të ujit, mungesë të Planit 3D etj. ndërsa referuar Planit të Marrjes së Mostrave janë marrë 41 mostra kryesisht në monitorim të qumështit.
Autoriteti Kombëtar i Ushqimit vazhdon punën pandërprerë në terren me qëllim garantimin e sigurisë ushqimore dhe mbrojtjes së konsumatorit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.