Vijojnë kontrollet nga AKU/ Gjobiten me 200 mijë lekë 11 subjekte dhe bllokohen produkte me etiketa të falsifikuara në 4 të tjera
Autoriteti i Kontrollit Ushqimor ka njoftuar se gjatë 24 orëve të fudit ka kontrolluar dhe monitoruar rreth 95 subjekte në të gjithë vendin në kuadër të masave të shtuara për mospërhapjen e Covid-19.
Sipas njoftimit janë marrë 4 masa administrative me “gjobë” në 4 subjekte me aktivitet “njesi tregtimi fruta perime” në Fier për mosrespektim të aktit normativ, mungesë të maskave dhe dorezave, mungesë dizinfektantësh dhe mos afishim të planit të masave në vlerën e 200 mijë lekëve në total. Si dhe janë dhënë 7 masa administrative “paralajmërim” në Tiranë në subjekte me aktivitet “furrë buke”.
AKU bën me dije se në Qarkun e Vlorës në bashkëpunim me organet kompetente të Policisë së Shtetit, në 4 subjekte janë bllokuar produkte ushqimore me etiketë të falsifikuar. Është bërë bllokimi i tyre në këto subjekte, si provë për organet hetimore dhe është lënë detyrë tërheqja e tyre në mënyrë të menjëhershme nga tregu.
Autoriteti Kombëtar i Ushqimit do të vijojë kontrollet duke mos lejuar asnjë tentativë abuzimi, si dhe u bën thirrje të vazhdueshme të gjithë operatorëve të biznesit ushqimor që të zbatojnë me rigorozitet të gjitha masat e marra nga qeveria për shmangien e përhapjes së Covid 19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.