Vijojnë kontrollet për respektimin e protokollit të sigurisë – AKU realizon rreth 500 inspektime dhe monitorime

Trupat inspektuese të Autoritetit Kombëtar të Ushqimit kanë kryer 486 inspektime dhe monitorime si pjesë e Task-Forcës Anti-Covid ku në çdo monitorim kërkohet nga ana e Task-Forcës në subjekte të zbatohet në mënyrë rigoroze protokolli i sigurisë, si e vetmja mënyrë për të shmangur përhapjen e virusit.

Sipas njoftimit te AKU gjatë inspektimeve është dhënë një masë administrative në një subjekt, për mungesë gjurmueshmërie të disa produkteve ushqimore si dhe gjithashtu janë dhënë gjatë inspektimeve edhe disa paralajmërime në disa biznese, për mungesë të librezave shëndetësore, planit 3D, si dhe rinovim të analizave të ujit.

Ndërkaq po sipas AKU referuar Planit të Marrjes së Mostrave, janë marrë 50 mostra për monitorim të  qumështit dhe nënprodukteve të tij.

AKU bën me dije se po vazhdon punën pandërprerë në terren në garantim të sigurisë ushqimore dhe mbrojtjes së shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.