Vijojnë punimet në Doganën Morinë-Vërmicë – Vihet në funksion para sezonit veror
Drejtoresha e Përgjithshme e Doganave, Belinda Ikonomi dhe Ambasadorja e Delegacionit të BE-së në Tiranë, Romana Vlahutin kanë inspektuar sot punimet në Pikën e Kalimit Kufitar të Morinës.
Pika Doganore Morinë-Vërmicë, e cila do të zëvendësojë godinën aktuale, ku do të akomodohen Administratat Doganore Shqiptare dhe Kosovare. Ky projekt me vlerë 638 mijë euro ka për qëllim lehtësimin e lëvizjes nga të dy krahët si dhe mbështetjen për investime të reja.
Sipas tyre, kjo Pikë Kufitare duhet të vihet në funksion para se të nisë sezoni veror.
Hapja e punimeve në Morinë u bë në Prill të vitit 2016 dhe sipas Drejtorisë së Përgjithshme të Doganave po punohet me ritme të shpejta për shmangien e fluksit gjatë sezonit turistik.
I pranishëm në inspektimin e punimeve ishte gjithashtu edhe Drejtori i Përgjithshëm i Doganave të Kosovës, Bahri Berisha.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.